Tuesday, October 10, 2006 at 3:01 AM

10/07/2006

 沈睿貽 駁嘴

其實看到你們的行動紀錄，有時同朋友傾起，都會好唔明點解大家要對個鐘樓咁有野的。或者係唔明，或者係想知多 d，我就會想問在我們這一代，究竟我們是不是真的有機會同個鐘樓咁有關係呢。

成個社會的空間塑造，成日都有令我覺得個社會係會想我地對咩都冇關係的。尤其身居九龍，有時新界的我就其實好難具體諗到個鐘樓， d 鐘聲，佢郁唔郁得，同埋佢可搬去邊對我來說會係 d 乜。反之可能會諗到的就是新碼頭當佢座落海中央，有大海景但就只變成一個提供消費的場域，到時無所事事者一定要入去消費而涼冷氣，進而冷落了維港有的除了巨星匯之外的，清勁海風。

然後我就會開如擔心，那些一直以來正在使用著碼頭一帶的公共空間的人們。那些人中，有我你他與及鄰居可能有的外籍傭工，有碼頭的報紙檔叔叔。)這些人們不是因為這碼頭的公共空間而帶給我們的很多人與人之間接觸與關係嗎？我想在要損失一個舊碼頭時，我最想得起的就只是那些沒有擦身而過的人。

是故「空間」俾到我的記憶一定大過個鐘樓，所以我亦都好想有朋友一起思考：

公共空間除左空 long long，好似冇王管之外，究竟佢真正提供左俾我地o既係一個點o既地方？

一個星期放一日假的外傭朋友在碼頭唔怕你望，有時你搵佢佢仲會同你傾計的究竟算不算是一個「懂得理解與運用公共空間」(即不用消費都可以使用空間)的群體對於香港人的一個良好示範？  

~

 Ger 駁嘴

建立這個blog的其中一個目的就是讓參與行動的成員跟不同的人建立溝通的關係。

我不知道你是那一代。參與行動的成員由13歲至59歲。有沒有你那一代人呢？究竟，那一代人跟鐘樓沒有有關係的呢？

我們在天星碼頭的身份，或多或少，就如你提及的外籍傭工和報紙檔叔叔等（當然還有警民關係的馬沙展和他的上司及同事）。我們不是因為這碼頭的公共空間而產生很多人與人之間接觸與關係嗎？我相信，萬一碼頭要遷拆，你會想起在這個blog擦身而過的人- 一些你好唔明點解要對個鐘樓咁有野的人。

我亦有興趣知道，那些一個星期做半日藝術家的朋友在碼頭唔怕你望，有時你搵佢佢仲會同你傾計的，究竟算不算是一個「懂得理解與運用公共空間」(即不用消費都可以使用空間)的群體對於香港人的一個良好示範？

說實在一點，個鐘樓有好多野，只在乎你是否願意主動去知多D。

曾德平  

~

Post a Comment

© Ger 2005